MICHEZO: FAULO ZA "KIJINGA" ZAIKOSESHA AZAM POINT TATU KWA YANGA, MASHABIKI WACHUKIZWA WENGINE WAONDOKA KABLA YA MUDA KUMALIZIKA..!

Michezo ya Ligi kuu imeendelea jana katika viwanja kadhaa vya michezo huku macho na masikio yakiwa kwenye mechi ya Matajiri wa Jiji la Dar Azam na Yanga uwanja wa taifa ambapo mechi hiyo ilikuwa ya kukata na shoka kutokana na Azam kuingia kwa tahadhari kubwa kwa kuwa na kumbukumbu ya kutandikwa na Yanga kwenye mchezo uliopita wa kufungua Ligi maarufu kama Ngao ya Hisani.

Hata hivyo katika mchezo huo ambao ulianza kwa kila timu kushambulia lango la mpinzani wake lakini Azam walionekana kucheza faulo nyingi kwa wachezaji wa Yanga kiasi cha kuwaboa mashabiki kwa kushindwa kutulia na kucheza mpira mzuri. 

Aidha refa wa mchezo huo alijitahidi kuchezesha fea kwani awali alijaribu kutumia kuonya kwa mdomo kwa wachezaji wa Azam ambao tayari walikuwa wamepaniki, hata hivyo isingekuwa kucheza faulo za "Kijinga" na zisizokuwa za msingi Azam walikuwa na nafasi kubwa ya kushinda hasa kwenye kipindi cha pili kwenye dakika ya 84 na 89 kwani Wachezaji wa Yanga walipoteana kwenye dakika hizo mara baada ya mchezaji wa Azam Kipre Tchetche kushinda goli baada ya Yanga kuongoza kwa dakika zote.